នារីស្រស់ស្អាតជិះម៉ូតូម្នាក់ឯងទៅស្រុក ត្រូវក្រុមចោរធាក់ផ្ដួលរួចយកម៉ូតូទៅបាត់ ចុងក្រោយអស់ក្រុមចោររត់ព្រាត!

​ខេត្តកណ្តាល ៖ ជិះម៉ូតូតែម្នាក់ឯងចេញពីផ្ទះ ក្នុងគោលបំណងទៅស្រុកកំណើតនៅស្រុកកោះធំ

លុះជិះដល់មុខ​វិទ្យាល័យ​ ហ៊ុនសែនតាខ្មៅ​ ស្រាប់តែលេខមុខ ក្រុមជនសង្ស័យនា៣នាក់ ជិះម៉ូតូ​ម៉ាកសង់ប៊ិច ​ជិះឌុបគ្នាតាម​ពីក្រោយមកអែបទន្ទឹមក្បែរ ហើយបានធ្វើសកម្មភាព ធាក់ផ្ដួលម៉ូតូរបស់នារីរងគ្រោះដួល របួសដៃនិងជើងផងដែរ។ហើយភ្លាមនោះក្រុមជនសង្ស័យបានរត់ទៅលើកម៉ូតូជិះគេចខ្លួន ទៅបុក​រទេះលក់លតឆា ដែលទុកចោលលើ ចិញ្ចើមថ្នល់បណ្តាលឲ្យដួល រួចប្លុងម៉ូតូទុកចោល រួចរត់គេចខ្លួនបាត់ស្រមោលតែម្ដង។

ហេតុការណ៍​ខាងលើនេះបានកើតមានឡើងកាលពីវេលាម៉ោង០២៖៥០នាទីរំលងអាធ្រាត្រ​ ឈានចូលថ្ងៃទី១៧ ខែវិច្ឆិកា ឆ្នាំ២០១៨ នៅ​មុខវិទ្យាល័យ ហ៊ុនសែន តាខ្មៅ ផ្លូវលេខ២១ ភូមិថ្មី១ សង្កាត់តាខ្មៅ ក្រុងតាខ្មៅ ខេត្តកណ្តាល។

ជនរងគ្រោះ​ឈ្មោះ សេត សារ៉េត ភេទស្រី អាយុ៣៤ឆ្នាំ ទីលំនៅភូមិក្រពើហារកើត សង្កាត់ព្រែកឫស្សី ក្រុងតាខ្មៅ ខេត្តកណ្តាល មុខរបរកម្មការិនី។ ជនសង្ស័យ​៣នាក់ភេទប្រុស ជិះម៉ូតូសង់ប៊ិច មិនស្គាល់អត្តសញ្ញាណ (គេចខ្លួន)។

​វត្ថុតាងចាប់យក៖ ម៉ូតូ​១គ្រឿងម៉ាក SUZUKI Nex ពណ៌ស ស៊េរីឆ្នាំ២០១៣ ពាក់ស្លាកលេខភ្នំពេញ​ 1BU-1558 (របស់ជនរងគ្រោះ)​។

នៅវេលាកើតហេតុខាងលើ ជនរងគ្រោះបានជិះម៉ូតូតែម្នាក់ឯងចេញពីផ្ទះ ក្នុងគោលបំណងទៅស្រុកកំណើតនៅស្រុកកោះធំ ដោយធ្វើដំណើតាមផ្លូវ២១A ទិសដៅពីជើងទៅត្បូង លុះជិះដល់មុខ​វិទ្យាល័យ​ ហ៊ុនសែនតាខ្មៅ​ ជាកន្លែងកើតហេតុ ស្រាប់តែលេខមុខ ក្រុមជនសង្ស័យមានគ្នា៣នាក់ ភេទប្រុស អាយុប្រហែល២១ ទៅ២២ឆ្នាំជិះម៉ូតូ​១គ្រឿង ម៉ាកសង់ប៊ិច ពណ៌ខៀវ (មិនចាំស្លាកលេខ) បាន​ជិះឌុបគ្នាតាម​ពីក្រោយ មកអែបទន្ទឹមក្បែរម៉ូតូរបស់នាង ហើយបានធ្វើសកម្មភាព ធាក់ផ្ដួលម៉ូតូរបស់នាងតែម្ដង បណ្តាលឲ្យ ដួលម៉ូតូ រងរបួសដៃខាងឆ្វេង និងជើងទាំងសងខាង និងសន្លប់មួយសន្ទុះរួចក៏ដឹងខ្លួនវិញ ភ្លាមនោះក្រុមជនសង្ស័យបានស្ទុះមកលើកយកម៉ូតូរបស់នាង ជិះគេចខ្លួនទៅបាត់ស្រមោល។ បន្ទាប់មកនាងក៏ដើរមក​កន្លែងលក់​ចាប់ហួយ​ នៅក្បែរកន្លែងកើតហេតុប្រហែលជាង១០០ម៉ែត្រ រួចខ្ចីទូរស័ព្ទ​គេ​ ទាក់ទង​ប្រាប់ពីដំណើររឿងទៅវិទ្យុABC ជួយផ្សាយបន្តផ្ទាល់ផងដែរ។ ជាង៣០នាទីក្រោយមក ក្រុមអ្នកយកព័ត៌មាន​យើង បានទាក់ទងទៅក្រុមការងារវិទ្យុABC តាមរយះ​ Telegram ដែលសហការផ្ដល់ព័ត៌មានទាន់ហេតុការណ៍ទៅវិញទៅមកនោះ សុំយកលេខទូរស័ព្ទ​អ្នកដែលរាយការណ៍​ករណីប្លន់ម៉ូតូ​ខាងលើនោះ ដើម្បីចុះទៅទីតាំងកើតហេតុ​ផ្ដិតយកហេតុការណ៍នោះ ហើយក៏បានទាក់ទងទៅសួរនាំរួចបានចុះទៅដល់កន្លែងកើតហេតុពិតមែន និងបានប្រាប់ទៅវិទ្យុABC​ ប្រាប់ទៅសមត្ថកិច្ចចុះមកកន្លែងកើតហេតុផង ។

ខណៈពេលដែលកំពុងរងចាំសមត្ថកិច្ច ​ចុះមកកន្លែងកើតហេតុ​យកនារីរងគ្រោះទៅដាក់ពាក្យបណ្ដឹង ក្រុមអ្នកយកព័ត៌មានយើងក៏បានសួរនាំនារីរងគ្រោះអំពីដំណើររឿង​ តែមិនទាន់បានសួរចប់ផង ស្រាប់តែ​បុរសម្នាក់​ជិះម៉ូតូ MSX មិនដឹងថាជាសាច់ញាតិឬត្រូវជាអ្វីនឹងនារីរងគ្រោះទេ បានស្រែកមកថា បានហើយ​ ឈប់សួរទៀតទៅ ខ្ញុំស្គាល់ ក្រុមចោរនោះជាអ្នកណាហើយ រួចនារីរងគ្រោះ​ ជិះឌុបគ្នា​ចេញទៅ​ ដោយប្រាប់ថា​ ទៅដាក់ពាក្យបណ្ដឹងនៅប៉ុស្តិ៍។ ហើយក្រុមអ្នកសារព័ត៌មានយើង​ក៏បាន​ជិះទៅ​ប៉ុស្តិ៍ដើម្បីសាកសួរព័ត៌មានបន្ថែមផងដែរ​ លុះពេលទៅដល់ប៉ុស្តិ៍នគរបាលតាខ្មៅ មិនឃើញជនរងគ្រោះ​ និងសមត្ថកិច្ច​ណានៅ​ប៉ុស្តិ៍នោះទេ ទើបក្រុមអ្នកយកព័ត៌មានបានទាក់ទងទៅ​លេខ​ដដែលនោះ បែរជា​ជួប​មនុស្ស​ប្រុស​ថ​ជាអ្នកលើក​ហើយឆ្លើយថា ស្ត្រីរងគ្រោះខាងលើ​បានខ្ចីទូរស័ព្ទគាត់​ នៅកន្លែងលក់ចាប់ហួយ​ទាក់ទងទៅប៉ុណ្ណោះ ហើយនាងបានជិះទៅដាក់ពាក្យបណ្ដឹងបាត់ហើយ។ ទើបក្រុមអ្នកយកព័ត៌មានបាននាំគ្នារងចាំនៅមុខប៉ុស្តិ៍ជិតមួយម៉ោង ដោយសារតែស្រែកហៅ មិនឃើញមានសមត្ដកិច្ច​ឆ្លើយតប​មកវិញ ទើបក្រុមអ្នកយកព័ត៌មានទាំងនោះ​បាននាំគ្នាត្រលប់មកគោលដៅវិញរៀងៗខ្លួន។

បើតាម​របាយការណ៍​របស់​សមត្ថកិច្ច​ បន្ទាប់ពីធ្វើសកម្មភាព ធាក់ផ្ដួលម៉ូតូរបស់នារីរងគ្រោះ បណ្តាលឲ្យ ដួលហើយក្រុមជនសង្ស័យបានស្ទុះមកលើកយកម៉ូតូរបស់នាង ជិះគេចខ្លួនទៅតាមផ្លូវលេខ២១ លុះដល់ត្រង់ចំណុចស្តុបA៩ ក៏បានប៉ះជាមួយរទេះ លក់លតឆាដែលទុកចោលលើ ចិញ្ចើមថ្នល់បណ្តាលឲ្យដួល ពេលនោះជនល្មើសបានទុកម៉ូតូចោលរត់គេចខ្លួនបាត់តែម្តង។

លុះពេល​ព្រឹកឡើង​នារីរងគ្រោះ​បានមកដាក់ពាក្យបណ្តឹង​ សមត្ថកិច្ចក៏ប្រាប់អោយដឹងតែម្ដង ។ សូមបញ្ជាក់ថា​ករណីនេះសមត្ថកិច្ចជំនាញ​កំពុងបន្តធ្វើការស្រាវជ្រាវតាមនីតិវិធី៕ (ម៉េង-AhBoYz)q

បន្ថែមយោបល់របស់អ្នក

យោបល់