ព្រឹតិ្តការណ៍ថ្មីៗ

ជាងឡានម្នាក់ ទៅជួសជុលចរន្តអគ្គិសនី បែរជាឆ្លងឆក់ស្លាប់ទៅវិញ 

11 ខែ មុន 113 តូ សុផល

ភ្នំពេញ ៖ បុរសជាជាងជួសជុលរថយន្តប្រចាំក្រុមហ៊ុនម្នាក់ ឡើងទៅជួសជុលចរន្តអគ្គសនី ដោយសារអំពូលភ្លើងហ្វា បានដាច់ខូច បែជាភ្លាត់ស្នៀតឆក់ធ្លាក់ស្លាប់ទៅវិញ កាលពីវេលាម៉ោង៤ល្ងាច ថ្ងៃទី១៨ ខែតុលា ឆ្នាំ២០១៨ នៅក្នុងក្រុមហ៊ុនមួយកន្លែង អត់មានដាក់ស្លាកយុីហោ នៅតាមផ្លូវទំនប់កប់ស្រូវ ភូមិជង្រុក សង្កាត់ត្រពាំងក្រសាំង ខណ្ឌពោធិសែនជ័យ ។

ជនរងគ្រោះ ឈ្មោះ គួយ មនោ ភេទប្រុស អាយុ២២ឆ្នាំ មុខរបរ ជាងជួសជុលរថយន្ត ផ្នែកខាងប្រព័ន្ធភ្លើង នៅក្រុមហ៊ុនខាងលើ មានស្រុកកំណើតនៅផ្ទះលេខ៥៧ ភូមិអង្វះមួយរយ ឃុំអន្សោង ស្រុកកំពង់ត្របែក ខេត្តព្រៃវែង ។

តាម បុគ្គលិកជាងរួមការងារ ជាមួយគ្នា បានឲ្យដឹងថា មុនកើតហេតុ ជនរងគ្រោះ ឃើញអំពូលភ្លើងហ្វា នៅកន្លែងក្រុមហ៊ុនបានដាច់រលត់ខូច ហើយនៅវេលាម៉ោងខាងលើ ជនរងគ្រោះបានដាក់ជណ្តើរទៅឡើងមើលលើបង្គោល បំណងជួសជុល ដើម្បីឲ្យភ្លើងភ្លឺឡើងវិញ តែមិនដឹងថា ជនរងគ្រោះ លូកដៃទៅប៉ះចំ ខ្សែភ្លើង ឬយ៉ាងណា ទើបបានឆក់ធ្លាក់មកដីកំពស់ជាង៣ម៉ែត្រ រងរបួសធ្ងន់ សន្លប់ស្តូក ។

ប្រភពបន្តទៀតថា ពេលដែលជនរងគ្រោះឡើងទៅជួសជុលអំពូលភ្លើងហ្វានោះតែម្នាក់ឯង លុះដល់ឆក់ធ្លាក់ទៅហើយ ទើបនាំគ្នាឆោឡោ ដឹកជនរងគ្រោះ ទៅគ្លីនិក ឡាំ ប៊ុនថន ក្បែរផ្សារជម្ពូវ័ន តែគួរឲ្យសោកស្តាយ ជាអនិច្ចា ជនរងគ្រោះបានស្លាប់ មុននឹងដល់គ្លីនិកបាត់ទៅហើយ ដោយមិនអស់ចិត្ត ទៅដល់គ្លីនិក គ្រូពេទ្យក៏បានបញ្ជាក់ដែរថា ជនរងគ្រោះបានស្លាប់បាត់ហើយ ទើបនាំគ្នាដឹកសពយកទៅ កន្លែងក្រុមហ៊ុនវិញ រាយការណ៍ ប្រាប់សមត្ថកិច្ច ចុះទៅពិនិត្យមើល ។

សាកសពក្រោយពី សមត្ថកិច្ចជំនាញ ពិនិត្យ កោសល្យវិច័យ ឃើញថាពិតជាស្លាប់ដោយសារ ឆក់ចរន្តភ្លើងពិតមែន រួចប្រគល់ជូន ខាងក្រុមហ៊ុន សហការជាមួយក្រុមគ្រួសារនៃសព ចាត់ចែងដឹកយកទៅធ្វើបុណ្យតាមប្រពៃណី ៕

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ