ព្រឹតិ្តការណ៍ថ្មីៗ

ចៅជីដូន ម្តេចទៅចោលពួកយើងយ៉ាងដូចនេះ

1 ឆ្នាំ មុន 0 វិជ្ជា ស្លាប់រស់ជារឿងធម្មតា​

 

ខេត្តកណ្តាល៖ អនិច្ចាកុមារីតូចឆ្លាតម្នាក់ស្លាប់ទាំងវ័យក្មេង ចោលជីដូនម្តាយឪពុក បន្សល់ភាពសោកសៅហៅលែងលឺ។ ធ្វើអោយអ្នកភូមិក្តុកក្តួល ខណ:នៅនឹងភ្នែកស្រស់ កុមារីត្រូវលាចាកលោកទៅ។ ហេតុការណ៏ដែលបណ្តលអោយក្មេងតូចនេះបាត់បង់ជីវិតគឺដោយសារតែលង់ទឹកស្លាប់ គ្រាដែលបងស្រីនាំទៅលេងផ្ទះអ្នកជិតខាង កាលពីវេលាម៉ោង៧និង៣០នាទីព្រឹកថ្ងៃទី២៣ ខែសីហា ឆ្នាំ២០១៦នេះ នៅក្បែរចំណុចមាត់ទន្លេខាងក្រោយផ្ទះ ស្ថិតក្នង ភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្កកណ្ដាល។

 

សមត្ថកិច្ចបានអោយដឹងថាកុមារីរងគ្រោះឈ្មោះគង់ វណ្ណនីសា ភេទស្រីអាយុ២ឆ្នាំ រស់នៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្កកណ្ដាល។

ប្រភពដដែលបានអោយដឹងថាកន្លងមកកុមារីរងគ្រោះធ្លាប់ទៅលេងមាត់ទន្លេជាមួយឪពុក និងបងស្រី លុះនៅថ្ងៃកើតហេតុ បងស្រីនិងក្មេងៗឯទៀតរួមនិងកុមារីរងគ្រោះ បានទៅលេងនៅផ្ទះអ្នកជិតខាងក្បែរកន្លែងកើតហេតុ ហើយនាំគ្នាដើរលេង លុះក្រោយមកស្រាប់តែបាត់កុមារីរងគ្រោះមិនឃើញ ក៏នាំគ្នាឆោឡោដើររកនៅមាត់ទន្លេ ស្រាប់តែប្រទះឃើញក្មេងតូចរងគ្រោះអណ្ដែតទឺកផ្កាប់មុខ ឃើញដូចនេះបងស្រីបានចុះស្រង់ប្អូន និងស្រែកហៅឲ្យគេមកជួយ និងនាំយកទៅសង្គ្រោះនៅពេទ្យព្រែកអញ្ចាញ តែកុមារីតូចនេះបានដាច់ខ្យល់ស្លាប់បាត់ទៅហើយ។

 

ក្រោយកើតហេតុ ផ្នែកជំនាញស្រុកប៉ុស្តិ៍ និងអាជ្ញាធរមូលដ្ឋានបានធ្វើការពិនិត្យសាកសព រួចក៏ប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី។

13934769_564234693764472_8374641893949545481_n 14063925_564234667097808_3788230532143312718_n 14079753_564234680431140_1186274775044807645_n}

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ