ព្រឹតិ្តការណ៍ថ្មីៗ

លោកជំទាវកិត្តិសង្គហបណ្ឌិត ម៉ែន សំអន បានជួបសំណេះសំណាលជាមយសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងព័ត៌មាន

2 សប្តាហ៍ មុន 70 តូ សុផល

 

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានជួបសំណេះសំណាល និងពិសារអាហារសាមគ្គី ជាមួយសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ក្រសួងព័ត៌មាន នៅភោជនីយដ្ឋានសូរិយា រាជធានីភ្នំពេញ ព្រឹកថ្ងៃអាទិត្យ ៤រោច ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០១ ខែកក្កដា ឆ្នាំ ២០១៨។

ថ្លែងក្នុងឱកាសនោះផងដែរ លោកជំទាវកិត្តិសង្គហបណ្ឌិត ពាំនាំនូវការផ្តាំផ្ញើសួរសុខទុក្ខ និងសេចក្តីនឹករលឹកពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្រ្តី នៃព្រះរាជាណាចក្រ កម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកិត្តិយសសមាគមនារី ជូនដល់អង្គពិធីទាំងមូលផដែរ។

លោកជំទាវក៏បាន កោតសរសើរចំពោះ លោកជំទាវ លោកស្រី ដែលបានយកអស់ស្មារតី កម្លាំងកាយចិត្តក្នុងការបំពេញ ភារកិច្ចដែលបក្ស និងរាជរដ្ឋាភិបាលបានប្រគល់ជូន បានទទួលលទ្ធផលល្អប្រសើរគួរជាទីមោទន:នាពេលកន្លង ។

លោកជំទាវក៏បានអំពាវនាវថ្ងៃបោះឆ្នោតផ្លូវការកាន់តែខិតជិតមកដល់ហើយ សូមលោកជំទាវ លោកស្រី នាងកញ្ញា ទាំងអស់កុំជឿតាមការឃោសនា កុំចាញ់ឧបាយកលរបស់ជនអគតិមួយចំនួនដែលចង់បំផ្លាញជាតិ ដែលតែងតែរកគ្រប់វិធី ដើម្បីអោយ និងសូមចលនាដាស់តឿន ក្រើនរំលឹកប្តីសី កូនចៅ បងប្អូន សាច់ញាតិអញ្ជើញទៅបោះឆ្នោតទាំងអស់គ្នា បោះឆ្នោតជូនគណបក្សប្រជាជនកម្ពុជានៅលេងរៀង ទី២០ ដើម្បីបន្តឆ្ពោះទៅរកចីរភាពនៃសុខសន្តិភាព និងអភិវឌ្ឍន៍ គ្រប់វិស័យ និងគាំទ្របេក្ខភាពសម្តេច ហ៊ុន សែន ជានាយក រដ្ឋមន្រ្តីនៅអាណត្តិនេះនិងអាណត្តិខាងមុខ និងអាណត្តិ បន្តបន្ទាប់ទៀត៕

បន្ថែមយោបល់របស់អ្នក

យោបល់