ព្រឹតិ្តការណ៍ថ្មីៗ

មុខសញ្ញាជួញដូរគ្រឿងញៀនម្នាក់ទៀត ត្រូវសមត្ថកិច្ចឃាត់ខ្លួន!

5 ខែ មុន 20 តូ សុផល

ខេត្តកណ្តាល៖ កម្លាំងសមត្ថកិច្ចស្រុកស្អាង ឃាត់ខ្លួនជនសង្ស័យម្នាក់ករណី  ជួញដូរដោយខុសច្បាប់នូវសារធាតុញៀន(ម៉ាទឹកកក)នៅថ្ងៃ ច័ន្ទ ០៦កើត ខែបឋមាសាឍ ឆ្នាំច សំរិទ្ធស័ក ព.ស ២៥៦២ ត្រូវនឹងថ្ងៃទី ១៨ ខែ មិថុនា ឆ្នាំ២០១៨ វេលាម៉ោង ១៧និង៣០នាទីនៅចំណុច  ផ្ទះរបស់ឈ្មោះ មួន ណនភូមិ រកាលើ ឃុំ ខ្ពប ស្រុកស្អាង ខេត្តកណ្តាល ។

ជនសង្ស័យ ចំនួន០១នាក់ (ឃាត់ខ្លួន) ឈ្មោះ មួន ណន ភេទប្រុស អាយុ ៤០ឆ្នាំ ជនជាតិ ខ្មែរ មុខរបរ មិនពិតប្រាកដ ទីលំនៅបច្ចុប្បន្នភូមិ រកាលើ ឃុំខ្ពប ស្រុកស្អាង ខេត្តកណ្តាល។ (ជនសង្សយ ធ្លាប់ជាប់ពន្ធនាគារ ចំនួន ០២លើក ពីបទ ជួញដូរដោយខុសច្បាប់នូវសារធាតុញៀន) ។

វត្ថុតាងចាប់យករួមមាន៖
១  ម្សៅក្រាមពណ៌សថ្លាសង្ស័យថាជាសារធាតុញៀន(ម៉ាទឹកកក) ចំនួន០១កញ្ចប់ធំ ។
២ សំភារៈវេចខ្ចប់ និងប្រើប្រាស់មួយចំនួន ។

ប្រភពអោយដឹងថា នៅថ្ងៃទីខែឆ្នាំវេលាម៉ោងកើតហេតុ ក្រោយទទួលបានព័ត៍មានពីប្រជាពលរដ្ឋល្អថា មានករណីជួញដូរគ្រឿងញៀន នៅចំណុចកើតហេតុខាងលើ ។ ភ្លាមនោះកម្លាំងផ្នែកប្រឆាំងបទល្មើសគ្រឿងញៀន សហការជាមួយ កម្លាំងប៉ុស្តិ៍នគរបាលខ្ពប , ក្រុមប្រឹក្សាឃុំ និងលោកមេភូមិរកាលើ បានចុះដល់ចំណុចកើតហេតុ ប៉ុន្តែជនសង្ស័យឈ្មោះ មួន ណន បានឃើញសមត្ថកិច្ចនគរបាល រួចរត់ទៅទិសខាងលិច ភ្លាមនោះសមត្ថកិច្ចនគរបាល បានដេញតាមឃាត់ខ្លួនបាន រួមនឹងម្សៅក្រាមពណ៍សថ្លាសង្ស័យជាសារធាតុញៀន(ម៉ាទឹកកក)ចំនួន ០១កញ្ចប់ធំ ដែលជនសង្ស័យ ទំលាក់ចោលនៅគុម្ពចេក ។

បន្ទាប់មកសមត្ថកិច្ចនគរបាល បានបន្តទៅធ្វើការត្រួតពិនិត្យ ឆែកឆេរផ្ទះរបស់ជនសង្ស័យ បានរកឃើញសំភារៈវេចខ្ចប់ ប្រើប្រាស់មួយចំនួន នៅក្នុងផ្ទះ ។

នៅចំពោះមុខសមត្ថកិច្ចនគរបាល ឈ្មោះ មួន ណន បានសារភាពថា ខ្លួនទិញគ្រឿងញៀន(ម៉ាទឹកកក)ចំនួន ០១កញ្ចប់ធំ តម្លៃ១,០០០,០០០៛ (មួយលានរៀល)ពីបុរសម្នាក់មិនស្គាល់ឈ្មោះនៅចំណុចវាលខ្សាច់ ចាក់អង្រែលើ រាជធានីភ្នំពេញ ដើម្បីយកមកវេចខ្ចប់លក់ក្នុង០១កញ្ចប់ តម្លៃ ១៥$ ។

បច្ចុប្បន្នជនសង្ស័យ បានឃាត់ខ្លួននៅអធិការដ្ឋាននគរបាលស្រុកស្អាងដើម្បីបន្ដអនុវត្ដតាមនីតិវីធី ។

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ