ព្រឹតិ្តការណ៍ថ្មីៗ

ពលរដ្ឋក្រីក្រ ខ្វះខាត ចាស់ជរា ពិការ និងអ្នកផ្ទុកមេរោគអេដស៍ សរុបចំនួន ១៤៧គ្រួសារ ទទួលអំណោយពីអនុសាខាកាកបាទក្រហមកម្ពុជាខណ្ឌដូនពេញ

1 ឆ្នាំ មុន 165 តូ សុផល

ភ្នំពេញ៖ នៅព្រឹកថ្ងៃសៅរ៍ ៤កើត ខែបឋមសាឍ ឆ្នាំច សំរិទ្ធស័ក ពុទ្ធសករាជ២៥៦២ ត្រូវនឹងថ្ងៃទី១៦ ខែមិថុនា ឆ្នាំ ២០១៨

វេលាម៉ោង ០៨,០០នាទី លោក សុខ ពេញវុធ ប្រធានកិត្តិយសអនុសាខាកាកបាទក្រហមកម្ពុជាខណ្ឌដូនពេញ ដោយមានការអញ្ជើញចូលរួមពី លោក ប្រធានអនុសាខាកាកបាទក្រហមខណ្ឌ លោក លោកស្រីអនុប្រធាន សមាជិក សមាជិកា អ្នកស្ម័គ្រចិត្តកាកបាទក្រហម បានអញ្ជើញជាអធិបតីភាពក្នុងពិធីចែកអំណោយមនុស្សធម៌របស់កាកបាទក្រហមកម្ពុជា ជូនដល់ប្រជាពលរដ្ឋក្រីក្រ ខ្វះខាត ចាស់ជរា ពិការ និងអ្នកផ្ទុកមេរោគអេដស៍ សរុបចំនួន ១៤៧គ្រួសារ មកពីសង្កាត់ចំនួន ០៥ រួមមាន៖ សង្កាត់ផ្សារថ្មីទី១, ផ្សារថ្មីទី២, ផ្សារថ្មីទី៣, បឹងរាំង, ចតុមុខ និងសាលាខណ្ឌដូនពេញ ។

អំណោយដែលបងប្អូនប្រជាពលរដ្ឋ ទទួលបាននាពេលនេះរួមាន៖
– អង្ករ ចំនួន ០១បាវ ស្មើនឹង ៣០គីឡូក្រាម
– ទឹកត្រី ចំនួន ០១យួរ
– ថវិកា ចំនួន ២០,០០០រៀល
សរុបថវិកាចំនួន ២,៩៤០,០០០រៀល អង្ករចំនួន ៤,៤១០គីឡូក្រាម និងទឹកត្រីចំនួន ១៤៧យួរ ។

ក្រៅពីនេះអនុសាខាកាកបាទក្រហមកម្ពុជាខណ្ឌដូនពេញ ក៏បានទទួលថវិកាជួយឧបត្ថម្ភមួយចំនួនពីសប្បុរសជនរួមមាន៖
-លោកស្រី ប៉ុន ដានី ថវិកាចំនួន ១០០,០០០រៀល
-លោក សុខ គឹមហេង ថវិកាចំនួន ៥០,០០០រៀល ។

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ