ព្រឹតិ្តការណ៍ថ្មីៗ

គណបក្សប្រជាជនកម្ពុជា សង្កាត់ព្រែកកំពឹស ប្រកាសបញ្ចូលសមាជិកថ្មី ចំនួន ១៧៦នាក់!

2 សប្តាហ៍ មុន 77 តូ សុផល

ភ្នំពេញ៖នៅថ្ងៃអាទិត្យ ៧រោច ខែពិសាខ ឆ្នាំច សំរឹទ្ធិស័ក ពុទ្ធសករាជ២៥៦២ ត្រូវនឹងថ្ងៃទី០៦ ខែឧសភា ឆ្នាំ២០១៨

នៅសាលប្រជុំគណ:កម្មាធិការគណ:បក្សប្រជាជនកម្ពុជា សង្កាត់ព្រែកកំពឹស ខណ្ឌដង្កោ រាជធានីភ្នំពេញ លោក រ័ត្ន ស្រ៊ាង អនុប្រធានក្រុមការងារ គណបក្សប្រជាជនកម្ពុជា ចុះជួយខណ្ឌដង្កោ និងជា ប្រធានក្រុមការងារចុះជួយសង្កាត់ព្រែកកំពឹស បានអញ្ជើញជាអធិបតីប្រកាសបញ្ចូលសមាជិកថ្មី គណបក្សប្រជាជនកម្ពុជា ចំនួន១៧៦នាក់ ដែលជាយុវជនយុវនារីទើបគ្រប់អាយុបោះឆ្នោត និងសមាជិកមកពីគណបក្សផ្សេង បានស្ម័គ្រចិត្តចូលរួមជីវភាពនយោបាយ ជាមួយគណបក្សប្រជាជនកម្ពុជា ព្រមទាំងមានការចូលរួមពីលោក ជរ គឹមស៊ និងលោក អ៊ុយ សុន អនុប្រធានក្រុមការងារ លោក លោកស្រី សមាជិកក្រុមការងារអមដំណើរ លោក លោកស្រី ប្រធាន អនុប្រធាន និងសមាជិកគណ:កម្មាធិការបក្សសង្កាត់ សាខាបក្សភូមិ យុវជនសង្កាត់ សរុបចំនួន ៣៥៦នាក់។
ក្នុងកម្មវិធីនេះផងដែរលោក រ័ត្ន ស្រ៊ាង បានចែកជូនសមាជិកទាំងអស់ នូវអាវនិងមួកថ្មី មានឡូកូគណបក្ស គ្រប់ៗគ្នា ពាក់ចូលរួមកម្មវិធីប្រកបដោយការពេញចិត្ត ព្រមទាំងបាននាំយកអាហារសម្រន់រួមមាន នំបុ័ងដាក់សាច់ ទឹកអំពៅ ទឹកសុទ្ធ ជូនដល់សមាជិក សមាជិកាចូលរួមទាំងអស់ បានបរិភោគរួមគ្នាប្រកបដោយភាពស្និតស្នាល ។

លោក រ័ត្ន ស្រ៊ាង បានមានប្រសាសន៍ថា ក្រោមការដឹកនាំរបស់សម្តេចអគ្គមហាសេនាបតី តេជោ ហ៊ុន សែន ជានាយករដ្ឋមន្ត្រី នៃព្រះរាជាណាចក្រកម្ពុជា តែងបើកទ្វារស្វាគមជានិច្ចចំពោះការចូលរួមក្នុងជីវភាពនយោបាយ របស់ បងប្អូន ប្រជាពលរដ្ឋមកពីគ្រប់ទិសទី ក្នុងន័យរួបរួមគ្នាកសាងប្រទេសយើងឲ្យកាន់តែរីកចំរើន។ គណបក្សប្រជាជនកម្ពុជា មិនដែលយកខ្មែរណាជាសត្រូវនោះទេ ហើយក៏មិនមានការគុំគួន ដូចគណបក្សខ្លះនោះដែរ ផ្ទុយទៅវិញយើងមានតែនាំគ្នា កសាងប្រទេស ឲ្យមានការរីកចម្រើនជឿនលឿនរុងរឿងថែមទៀត។ ហើយការចូលរួមជីវភាព នយោបាយជាមួយគណបក្ស ប្រជាជនកម្ពុជា របស់បងប្អូនក្នុងថ្ងៃនេះ គឺជាសញ្ញានៃការរួបរួមសាមគ្គីរបស់ប្រជាជាតិខ្មែរតែមួយ ដែលមានភាសារ,អក្សរ និងទំនាមទម្លាប់ប្រពៃណីដូចគ្នា មានអធិបតេយ្យពេញលេញ ជាប្រទេសនិតិរដ្ឋ និងមានមេដឹកនាំប្រកបដោយ បញ្ញាញាណ ឈ្លៀសវៃ មានគុណធម៌ និងមានទស្សនវិស័យវែងឆ្ងាយ នោះគឺសម្តេចអគ្គមហាសេនាបតីតេជោ ហ៊ុន សែន។ ដូច្នេះសូម បងប្អូនទាំងអស់រួមសាមគ្គីគ្នាឲ្យកាន់តែរឹងមាំនិងផ្សព្វផ្សាយពីគោលនយោបាយរបស់គណបក្សប្រជាជនកម្ពុជា ឲ្យបានជ្រួត ជ្រាបដល់ប្រជាពលរដ្ឋដ៏ទៃទៀតបានយល់ និងបានអញ្ជើញមកចូលរួមសាមគ្គីគ្នាជាធ្លុងមួយបន្ថែមទៀត។ ហើយកុំភ្លេច នៅថ្ងៃបោះឆ្នោតជ្រើសរើសតំណាងរាស្ត្រ នាថ្ងៃទី២៩ ខែកក្កដា ឆ្នាំ២០១៨ខាងមុខនេះ សូមបងប្អូនទាំងអស់ត្រូវចេះដឹកនាំ សមាជិកបក្សក៏ដូចជាក្រុមគ្រួសារបងប្អូនទៅបោះឆ្នោតឲ្យបានគ្រប់ៗគ្នាដើម្បីគាំទ្រ សម្តេចតេជោ ហ៊ុន សែន ធ្វើជានាយក រដ្ឋមន្ត្រី បន្តដឹកនាំនាវាកម្ពុជាឲ្យកាន់តែមានភាពរីកចំរើន និងមានការអភិវឌ្ឍន៍ ក្រោមដំបូលសន្តិភាពជារៀងរហូត។
ក្រោយពេលសំណេះសំណាលចប់ លោក រ័ត្ន ស្រ៊ាង បានប្រគល់សេចក្តីសម្រេច និងប័ណ្ណសមាជិក ជូនដល់ សមាជិកថ្មីទាំង ១៧៦នាក់ និងបានប្រគល់បាល់ជូនដល់ សាខាបក្ស និងអង្គភាពជុំវិញសង្កាត់សរុបចំនួន ១២អង្គភាព ក្នុងមួយអង្គភាពទទួលបានបាល់ចំនួន ២០គ្រាប់(ក្នុងនោះបាល់ទាត់ចំនួន ១៥គ្រាប់ និងបាល់ទះចំនួន ០៥គ្រាប់)

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ