ព្រឹតិ្តការណ៍ថ្មីៗ

រដ្ឋបាលខណ្ឌដូនពេញ ប្រារព្ធពិធីបុណ្យវិសាខបូជា នៅវត្តវិមានតេជះ

3 សប្តាហ៍ មុន 101 តូ សុផល

ភ្នំពេញ៖ នៅរសៀលថ្ងៃអាទិត្យ ១៥កើត ខែពិសាខ ឆ្នាំច សំរឹទ្ធិស័ក ព.ស ២៥៦១ ត្រូវនឹងថ្ងៃទី២៩ ខែមេសា ឆ្នាំ២០១៨ វេលាម៉ោង ១៤,០០នាទី

លោក ហែម អាន ប្រធានក្រុមប្រឹក្សាខណ្ឌដូនពេញ និង លោក សុខ ពេញវុធ អភិបាល នៃគណៈអភិបាលខណ្ឌដូនពេញ និង ភរិយា បានអញ្ជេីញដឹកនាំមន្ត្រីរាជការក្រោមឱវាទសាលាខណ្ឌដូនពេញ និងប្រជាពលរដ្ឋក្នុងមូលដ្ឋានខណ្ឌ ចូលរួមក្នុងពិធីបុណ្យវិសាខបូជា នៅវត្តវិមានតេជះ ហៅវត្តស្រះចក និងដង្ហែ វិសាខបូជាចេញពីវត្តវិមានតេជះ ហៅវត្តស្រះចក ក្រោមការដឹកនាំរបស់សម្តេច ព្រះឧត្តមចរិយាបណ្ឌិត ឈឹង ប៊ុនឈា ព្រះចៅអធិកាវត្ត ។

ក្បួនវិសាខបូជាបានដង្ហែចេញពីវត្តស្រះចក តាមបណ្តោយផ្លូវលេខ៦៣ ឆ្ពោះទៅជុំវិញរមណីដ្ឋានប្រវត្តិសាស្ត្រវត្តភ្នំ រួចត្រឡបចូលក្នុងវត្តស្រះចកវិញ ។

ពិធីបុណ្យវិសាខបូជានេះត្រូវបានប្រារព្ធធ្វើឡើងក្នុងគោលបំណង ដើម្បីរំលឹកដល់ថ្ងៃដែលព្រះបរមសម្ភោធិញ្ញាណ ទ្រង់៖
១-ប្រសូត្រចាកឧទរមាតា
២-ត្រាស់ដឹង
៣-ចូលបរិនិព្វាន ។

 

បន្ថែមយោបល់របស់អ្នក

យោបល់

 

 

ព័ត៌មានពាក់ព័ន្ធ